Комсомолдар маршы, песня

КОМСОМОЛДАР МАРШЫ

Ә. Бикҡолов һүҙҙәре

З. Саҙретдинов музыкаһы

Домналар төҙөнө, сиҙәмдәр күтәрҙе,

Комсомол иретте ҡоросто.

Һалҡында өшөнө, эҫелә ул көйҙө,

Таш яуһын — үтәне бурысты.

Сигенмәй бер аҙым, һаҡланы Ватанын,

Иҫәпһеҙ ауырлыҡ кисерҙе.

Йылғаның ағышын борҙо ул кирегә,

Мәңгелек тауҙарҙы күсерҙе.

Төҙөй ул ҙур БАМ-ды, тау аша һуҙа юл

Алыҫҡа, Белорет—Шишмәгә.

Дан һеҙгә, батырҙар, Корчагин тоҡомо.

Комсомол һынатмай һәр эштә.

Антыңды үтәнең, яуланың ҙур еңеү.

Ҡаһарман тоҡомло комсомол.

Яуҙарҙа, көрәштә ҡоростай сыныҡтың —

Һәр ваҡыт һәр эштә алда бул!