“ЯҠТЫКҮЛ”, ләм һәм климат шифаханаһы
“ЯҠТЫКҮЛ”, ләм һәм климат шифаханаһы. Әбйәлил р‑нында, Магнитогорск т. юл ст. төньяҡ‑көнбайышҡа табан 42 км алыҫлыҡта Яҡтыкүл күле ярында урынлашҡан. Климаты континенталь, ҡыш уртаса һалҡын (ғин. уртаса т‑ра ‑20°С), йәй йылы (июлдә уртаса т‑ра 24°С). 1932 й. йәйге пионерҙар лагеры булараҡ асыла, 1937 й. алып Магнитогорск металлургия комб‑тының ял йорто, 1950 й. — “Банное” ял йорто, 1958 й. башлап хәҙ. исемен йөрөтә, 2003 й. — ДУП. Терәк‑хәрәкәт, периферик нервы, енес‑бәүел системалары, аш һеңдереү, тын алыу ағзалары һ.б. ауырыуҙары булған пациенттар өсөн тәғәйенләнгән. Шифахана йыл әйләнәһенә эшләй, 209 койкаға иҫәпләнгән (2010). Төп дауалау факторҙары: климат, 1‑се күлдең минераль ләмдәре, ҡымыҙ. Бальнеотерапия, дауалау физкультураһы, диетотерапия, ләм м‑н дауалау, массаж, физиотерапия, фито‑, спелеотерапия һ.б. ҡулланыла.
Ғ.С.Яппаров
Тәрж. Г.Ҡ.Ҡунафина
