ЧЕРНОВ Иван Васильевич

ЧЕРНОВ Иван Васильевич (29.3. 1825, Ырымбур ҡ. — 15.10.1902, шунда уҡ), йәмәғәт эшмәкәре, тыуған яҡты өйрәнеүсе. Ген.-майор. Дворяндарҙан. 1841 й. алып Башҡорт-мишәр ғәскәре командующийы канцелярияһында, 1847 й. башлап Ырымбур губернаторы канцелярияһының иррегуляр ғәскәрҙәре бүлексәһендә хеҙмәт итә. 1861 й. алып башҡорт кантондарында попечитель (ҡара: Попечителлек), бер үк ваҡытта 1863—65 йй. 1-се башҡорт кантоны нач., 1865—73 йй. Ырымбур крәҫтиән эштәре б-са губерна присутствиеһы ағзаһы. Ҡырғыҙҙарҙы урынлаштырыу (1861), башҡорттарҙың ергә хоҡуғы (1865), Ырымбур крайында хосуси алтын сәнәғәтен үҫтереү (1867), Ырымбур губ. земстволар индереү (1897) мәсьәләләре б-са комиссиялар, Ырымбур ғилми архив комиссияһы (1899—1902) ағзаһы. 1866— 69 йй. Ырымбур губерна дворяндар йыйылышы депутаты, 1884—93 йй. етәксеһе. Ч. тарафынан край тарихы, Ырымбур дәүләт, йәмәғәт һәм ғилми эшмәкәрҙәре эше, башҡорттар, мишәрҙәр, Ырымбур һәм Урал казактарының мәҙәниәте һәм көнкүреше тасуирланған. Ч. шәхси архивында башҡорттарҙың ер биләүе т-да документтар һаҡланған. 3-сө һәм 4-се дәрәжә Изге Владимир, 1-се дәрәжә Изге Анна (1886), 1-се дәрәжә (1883) һәм 2-се дәрәжә император тажлы Изге Станислав орд. м-н бүләкләнгән.

Хеҙм.: Заметки по истории Оренбургской губернии генерал-майора И.В.Чернова. Оренбург, 2007.

Р.Н.Рәхимов

Тәрж. М.Х.Хужин