ЯҢЫ БАЙРАМҒОЛ, Б а й р а м ғ о л, Учалы р‑нындағы ауыл
ЯҢЫ БАЙРАМҒОЛ, Б а й р а м ғ о л, Учалы р‑нындағы ауыл, Яңы Байрамғол а/с үҙәге. Район үҙәгенән К.‑Көнб. 60 км һәм Уралтау т. юл ст. Т.‑Көнс. табан 65 км алыҫлыҡта Миндәк й. буйында урынлашҡан. Халҡы: 1900 й. — 481 кеше; 1920 — 625; 1939 — 573; 1959 — 497; 1989 — 463; 2002 — 512; 2010 — 444 кеше. Башҡорттар йәшәй (2002). Төп мәктәп (Уральск урта мәктәбе филиалы), балалар баҡсаһы, фельдшер‑акушерлыҡ пункты, мәҙәниәт йорто, китапхана, мәсет бар.
Ауылға 18 б. 60‑сы йй. Нуғай даруғаһы Ҡара‑Табын улусы башҡорттары үҙ ерҙәрендә Байрамғол исеме м‑н нигеҙ һала. 1795 й. 22 йортта 206 кеше йәшәгән, 1866 й. 82 йортта — 435 кеше. Малс‑ҡ, игенселек м‑н шөғөлләнгәндәр. Мәсет булған. 1900 й. ш. уҡ мәҙрәсә, һыу тирмәне теркәлгән. 20 б. 30‑сы йй. алып хәҙ. исемен йөрөтә. Н.Һ. Аллаярова, Н.И. Байрамғолова, Г.Б. Вилданова ошо ауылда тыуған.
Тәрж. Р.Ғ.Ғилманов
