ТӘМҪИЛ

ТӘМҪИЛ (ғәр.), йыш ҡына аллегорияға ҡоролған ҡыҫҡа шиғри хикәйә. Хайуан, предмет, абстракт төшөнсәләр (яҡшылыҡ, яуызлыҡ, ялҡаулыҡ һ.б.) ҡатнашыусылар булып сығыш яһай. Т. нигеҙендә ысынбарлыҡта булып үткән реаль күренештәр һәм ваҡиғалар булырға мөмкин. Мәҫәлдән айырмалы рәүештә, унда мораль булыуы мотлаҡ түгел. Башҡорт әҙәбиәтендә Ш.Бабичтың “Выждан менән Нәфсе” (1912), “Бер тәмҫил” (1916), “Тәмҫил киҫәге” (1917), С.Ә.Исмәғилевтең “Бәхет‑ҡыҙ тураһында һүҙ” (1940) Т. билдәле.

З.Я.Шәрипова

Тәрж. Р.Ә.Сиражитдинов