“ТӘБИҒӘТ”

“ТӘБИҒӘТ”, экологик фәнни‑ғәмәли журнал. Ойоштороусылары — БР Тәбиғәтте файҙаланыу һәм экология министрлығы, БР‑ҙың Йәшәйеш хәүефһеҙлеге ҒТИ. 2003 й. апр. алып Өфөлә айына 1 тапҡыр башҡ. һәм урыҫ телдәрендә сыға. Тиражы — яҡынса 1,1 мең дана (2016), яҙылыу б‑са таратыла. Журнал биттәрендә тәбиғәтте рациональ файҙаланыу, тирә‑яҡ мөхитте һаҡлау мәсьәләләре, ижт.-сәйәси проблемалар б‑са фәнни мәҡәләләр, репортаж, фоторепортаж, очерк, юлъяҙмалар баҫыла. Рубрикалары: “Закон һөйләй”, “Хәбәрҙәр”, “Ғалим фекере”, “Экологик белем биреү”, “Фотофакт”, “Белгескә 10 һорау” һ.б. Баш мөхәррирҙәре: Р.Ф.Ғәлиев (2003 й. апр. алып), И.З. Брусиловская (2003 й. июленән), Ә.Б. Ғимаҙиева (2005 й. алып), Д.Х.Зәйҙуллина (2010 й. алып), О.В.Арамелева (2011 й. алып).

Тәрж. Ф.Ә.Ҡылысбаев