“СЫҢҒЫҘХАН”, ижади берекмә

“СЫҢҒЫҘХАН”, ижади берекмә. 1990 й. Өфөлә “С.” художество төркөмө булараҡ ойошторола, 1998 й. алып хәҙ. статусын йөрөтә. Ойоштороу инициаторы – Н.С.Латфуллин (1992 й. тиклем етәксе). 1990 й. составына Латфуллин, В.М.Ханнанов (1992 й. алып етәксе), Р.З.Харисов, И.Х.Әхмәтвәлиев, Р.Х.Әхмәтвәлиев; һуңынан Н.Ғ.Байбурин, И.Ғ.Бикбулатов, Р.Ғ.Вәлиәхмәтов, Р.З.Ғарифуллин, М.И.Дәүләтбаев, Р.Р.Морат-шин, М.М.Мөхәмәтов инә. “С.” тәүге күргәҙмәһе Ленинградта (1990), артабан Ҡазан, Вена, Зальцбург (Австрия; бөтәһе лә – 1992) ҡҡ. була. “С.” Рәсәйҙең төрлө төбәктәрендә һәм сит илдәрҙә әүҙем ижади эшмәкәрлек алып бара: 1992 й. Латфуллин үлгәндән һуң уның күргәҙмәһе ойошторола (Өфө); 1994 й. “С.” “Туран” халыҡ‑ара фондының (Ҡазан) 1‑се пр. лайыҡ була, Мәскәүҙә берекмәнең Р.Х.Нуриевҡа арналған “Айҙың татлы хыялдары” (“Грёзы луны”) күргәҙмәһе үтә; 1996–2002 йй. “С.” “АртМанеж” күргәҙмә‑йәрминкәләрендә (Мәскәү) ҡатнаша; 1999 й. Ғарифуллин, Ханнанов, Р.Х.Әхмәтвәлиев “Евро‑Арт” күргәҙмәһендә (Барселона ҡ., Испания) эштәрен күрһәтә. “С.” – Башҡортостанда тәүге перформанстарҙы ойоштороусы: “Наурыҙ байрамы”, “Гравицаппа I” (икеһе лә – 1997), “Гравицаппа II”, “Мөбәрәк Наурыҙ” (икеһе лә – 1998), “Сыңғыҙхан принцессалары” (2000, “С.” 10 йыллығына), “Сульде” (2002; бөтәһе лә – Өфө), “Алтын пайцза” (2001) һәм “Пыльтрыш” (икеһе лә – Благовар р‑ны Үрге Ҡарғалы а., 2003), ш. уҡ “Йыуыныу ҡорамы” (Мәскәү, 1999) һ.б. 2001 й. берекмә Өфөлә – “Ай балҡышы” (“Сияние лун”; “Лидо” компанияһы м‑н берлектә), 2003 й. Мәскәүҙә “Яңы быуын” художество салоны күргәҙмәһендә “Ай балҡышы II” (“Сияние лун II”) проектын тормошҡа ашыра. 2004 й. “С.” ағзалары – Анкарала ТӨРКСОЙ ойошмаһы үткәргән ижади лаб. сиктәрендәге халыҡ‑ара йәштәр проектында, 2007 й. Мәскәүҙә һәм РФ‑тың башҡа ҡалаларындағы Рәссамдарҙың үҙәк йорто күргәҙмәһендә һәм 2008 й. Рәсәй художество акад. күргәҙмәһендә ҡатнаша; Өфөлә берекмәнең 15 йыллығына (2005) һәм 20 йыллыҡ (2010) юбилейына арналған “Ретро” күргәҙмәләрен ойоштора. 2005 й. Милли Йәштәр театрында “Гипертекст” инсталляцияһын эшләйҙәр. “С.” – Өфөлә “Мираҫ” галереяһын (1996; ҡара: Һынлы сәнғәт галереялары) ойоштороусыларҙың береһе, Н.Латфуллин ис. Хәҙ. заман сәнғәте музейын (2002) ойоштороусы. 2005 й. алып “ВысокоХудожественный журнал” (“Юғары художестволы журнал”; 2009 й. башлап йыллыҡ альманах) сығара. Н.Латфуллиндың (2004, 2009), “Сыңғыҙхан” (2008) каталогтары нәшер ителгән. “С.” 50‑нән ашыу күргәҙмә, ижади проект, хәйриә художество акцияһы ойошторған.

Л.В.Бондаренко

Тәрж. Г.Һ.Ризуанова