“СИСТЕМАВТОМАТИКА”

“СИСТЕМАВТОМАТИКА”, янғындан һаҡлау периметраль сигнализацияһын, янғын һүндереү системаларын (һыу, күбек, газ, онтаҡ м‑н) проектлау һәм монтажлау, видеокүҙәтеү; электромонтаж; металл ишектәр, рәшәткәләр, ҡапҡалар әҙерләү һәм ҡуйыу эштәрен башҡарыусы предприятие.__ 1972 й. “Югспецавтоматика” тресының Өфө махсуслаштырылған янғынға ҡаршы автоматиканы һәм һаҡлау сигнализацияһын монтаж‑көйләү участкаһы булараҡ нигеҙ һалына, 1990 й. башлап “С.” Өфө пр‑тиеһы, 1998 й. алып Өфө ДУП‑ы, 2004 й. ААЙ, 2012 й. ябыла. Составына Белорет, Нефтекама, Салауат, Сибай, Стәрлетамаҡ, Өфө (3) ҡҡ. монтаж, Өфөлә монтаж‑әҙерләү, автотранспорт участкалары инә. 2008 й. 50 кеше эшләгән. Продукцияһын ҡулланыусылар — БР‑ҙың төҙөлөш пр‑тиелары. “С.” тарафынан “Газпром нефтехим Салават”, “Искра”, “Каустик”, “Каучук”, “Полиэф”, “Сода” һ.б. пр‑тиеларҙа янғындан һаҡлау сигнализацияһы монтажланған.

Тәрж. Г.Ҡ.Ҡунафина