МӨХТӘРУЛЛИНА Айгөл Рәйес ҡыҙы

МӨХТӘРУЛЛИНА Айгөл Рәйес ҡыҙы (21.7.1970, Өфө ҡ.), тел белгесе. Филология фәндәре докторы (2006). БДУ‑ны тамамлағандан һуң (1992) шунда уҡ эшләй, 2000 й. алып БДУ‑ның Сибай институтында (2002 й. тиклем һәм 2004 й. башлап инглиз филологияһы кафедраһы мөдире); 2007 й. — ӨДСА-ның урыҫ һәм сит телдәр кафедраһы мөдире. 2010 й. алып БДУ‑ла: 2013 й. тиклем башҡ. филологияһы һәм журналистика факультеты деканы, 2015 й. башлап гуманитар факультеттарҙың сит телдәр кафедраһы мөдире. Фәнни тикшеренеүҙәре модаллек категорияһының когнитив һәм прагматик аспекттарына, башҡорт теле, инглиз теле һәм урыҫ теле материалында текст теорияһы, тәржемә мәсьәләләре һәм уларҙы сағыштырма өйрәнеүгә арналған.

 Х е ҙ м.: Когнитивно-сопоставительное описание категории модальности в английских и башкирских текстах. Уфа, 2004; Когнитивно-сопоставительное описание языковых единиц. Актобе, 2015 (авторҙ.); Стратегичность и модальность англоязычного новостного политического медиа-дискурса. Уфа, 2021 (авторҙ.). 

М.В.Зәйнуллин

Тәрж. М.Х.Хужин