ГЛАДКОВ Александр Серафимович

ГЛАДКОВ Александр Серафимович (12.5.1959, Свердловск өлкәһе Махнёво а. – 16.5.2013, Өфө ҡ.), спортсы. Грек-рим көрәше буйынса СССР-ҙың халыҡ-ара класлы спорт мастеры (1989). “Хеҙмәт резервтары” ирекле спорт йәмғиәте тәрбиәләнеүсеһе (Өфө ҡ., тренерҙары В.А.Борман, В.И.Севрюков). РСФСР чемпионы (1980—86), СССР чемпионатының (1982) һәм РСФСР халыҡтары спартакиадаһының (1979) көмөш призёры, СССР чемпионатының бронза призёры (1990). И.М.Поддубный иҫтәлегенә халыҡ‑ара турнир (Новосибирск ҡ.; 1982), шулай уҡ Болгарияла (София ҡ.; 1982, 1986), Иранда (Тегеран ҡ.; 1984, 1986), Төркиәлә (Истанбул ҡ., 1988), Чехословакияла (Братислава ҡ., 1989), Кубала (Гавана ҡ.; 1984, 1986) һ.б. үткән халыҡ-ара турнирҙар еңеүсеһе. СССР йыйылма командаһы ағзаһы (1982—89).

Тәрж. Г.Ҡ.Ҡунафина