АЛМАЛЫ, Ҡарасәй, Ишембай р‑нындағы ауыл, Петровский а/с ҡарай

АЛМАЛЫ, Ҡарасәй, Ишембай р‑нындағы ауыл, Петровский а/с ҡарай. Район үҙәгенән Т.‑Көнс. 45 км һәм Стәрлетамаҡ т. юл ст. Көнс. табан 43 км алыҫлыҡта Ҡарасәй й. (Егән й. ҡушылдығы) буйында урынлашҡан. Халҡы: 1939 й. — 218 кеше; 1959 — 236; 1989 — 137; 2002 — 102; 2010 — 73 кеше. Башҡорттар йәшәй (2002).

Ауылға 1930 й. Маҡар районы Әрмет‑Рәхим һәм Көҙән аа. кешеләре нигеҙ һала. Революцияға (1917) тиклем был урында Стәрлетамаҡ алпауыты Борелдең алма баҡсалы дачаһы урынлашҡан, ауылдың исемендә шул сағылыш тапҡан.

Ғ.И.Яҡупов

Тәрж. Р.Ғ.Ғилманов