АУЫЛ ХУЖАЛЫҒЫ ЗОНАЛАРЫ

АУЫЛ ХУЖАЛЫҒЫ ЗОНАЛАРЫ, тәбиғи-ауыл хужалығы зоналары, тәбиғәт һәм климат шарттары, тупраҡ һәм үҫемлектәр япмаларының дөйөмлөгө хас булған билдәле бер территорияны а.х. райондарына бүлеү берәмеге. Башҡортостан терр. тәбиғәт шарттары комплексы, ландшафт һәм ауыл хужалығын алып барыу системаһы үҙенсәлектәре б‑са тау-урман зонаһы, Урал аръяғы дала зонаһы, Урал алды дала зонаһы, төньяҡ-көнсығыш урман-дала зонаһы, көньяҡ урман-дала зонаһына (П.Я.Бульчук, С.Н.Тайсинов, 1975) бүлеп йөрөтөлә. 20 б. 90-сы йй. башынан респ. агротупраҡ б‑са райондарға бүлеүҙе камиллаштырыу эше Аграр университетта (А.Ш.Ишемйәров, Р.С.Кирәев, И.О.Чанышев), Биология институтында (Ә.Х.Моҡатанов) алып барыла. Шулай уҡ ҡара: Тупраҡты агропроизводство йәһәтенән төркөмләү.

Әҙәб.: Богомолов Д.В. Почвы Башкирской АССР. М., 1954; Почвенное районирование СССР. М., 1960. Вып.1; Тайчинов С.Н., Бульчук П.Я. Природное и агропочвенное районирование Башкирской АССР. Ульяновск, 1975.

А.Ш.Ишемйәров, Р.С.Кирәев

Тәрж. З.Н.Алтынбаева